ఛందస్సు

11.

విభా -త, ర, గ, గ.

తీరంగ కోర్కెలున్ లోకుల్

జేరంగ నిన్ను గొల్వంగన్

భారంబు దీర్చునిన్ దల్తున్

శ్రీరంగ శాయిగన్ కృష్ణా!//

12.

వాంతభారః -న, త, గ, గ.

హరిహరీ!నిన్ను వేడన్

గరిని రక్షించినావా!

మొరల నాలింప లేవా!

సురవరా!రావ!కృష్ణా!//

13.

తుంగా -న, న, గ, గ.

పరమ పురుష!విష్ణూ!

గరుడ గమన శౌరీ!

నిరతము నిను గొల్తున్

పరము నిడుమ!కృష్ణా!//

14.

వృత్తముఖీ -న, భ, గ , గ.

నియతిగా నిను దల్తున్

భయము బాపగ రావా!

శ్రయము నీయుమ!నాపై

దయను జూపుమ!కృష్ణా!//

15.

 గోపనదీ -    న,మ,గ,గ.

ప్రణతితో నీ పాదంబుల్

వినతిగా మ్రొక్కంగా నిన్

ఘనముగా కీర్తించన్ స

ద్గుణములే కల్గున్ కృష్ణా!//

16.

పాంచాలాంఘ్రి -న, య, గ, గ.

గిరిధర గోపాలా!నీ

చరణములే దిక్కంచున్

సురలట చేరంగా నిన్

సురతుడ వంచున్ కృష్ణా!.//

17.

కరరికా -న,ర, గ, గ.

విరసమెందుకోయీ!నా

కరము వీడకోయీ!సుం

దరముఖారవిందా!నీ

కరుణ జూపూమా!కృష్ణా!.//

18.

రుద్రాళీగణలయనీ - న, స, న, గ.

ఘనుడ వని నిన్ దల్తున్

క్షణికమగు భాగ్యంబుల్

కనను హరి!నీ రూపున్

గన నిలిచితిన్ కృష్ణా!.//

19.

కృష్ణగతికా -భ,జ,గ,గ.

పాదములు పట్టి కొల్తున్

వేదనలు తీర్చ వయ్యా!

నీదయను జూప రాదా!

నాదరికి రావ!కృష్ణా!.//

20.

చిత్రపదా-భ, భ, గ, గ.

కోరను గోర్కెలు శౌరీ!

భారము నీదని దల్తున్

సారెకు మ్రొక్కుచు నిన్నే

చేరితి నీదరి కృష్ణా!.//