ముత్యాలపూసలు
అంశం: రైతు జీవితం
శీర్షిక: అందరివాడు
పేరు: డా. సూర్యదేవర రాధారాణి
వృత్తి: వైద్యం (గైనకాలజిస్ట్)
హైదరాబాదు
(1)
తరతరాలుగా మట్టిని నమ్ముకొని
జీవితాలను అక్కడే గడిపే
ఓరైతన్నా! నీజీవితమును వివరముగ
వ్రాయడము మాతరమా నిజముగ.
ఆకలితీర్చుట ఒకటే తెలిసిన
ఓకష్టజీవీ ఓద్రంధము రచించిన
అగునేమో కొంతవరకు న్యాయము
(2)
మట్టిని మాత్రమే నమ్ముకొని
నీవు సాగించకున్న వ్యవసాయము
మాకేది తినగ తిండి
శరీరానికి వెన్నెముక వోలె
మానవాళికే నీవు దన్నువుగా
చేసిన నిన్ను నిర్లక్ష్యం
ఉంటుందా మాకు మోక్షము
(3)
ప్రకృతి మీద ఆధారము
అతివృష్టి అనావృష్టి ప్రభావము
ఆపై విత్తనాల కొరత
లేదా విత్తనాలు కల్తీ
ఇంకా ఎరువుల బెడద
ఎరువులువేస్తే పురుగులు చావవు
విరక్తితో మనిషితాగితే పరలోకమే
(4)
ఆరుగాలాలు పనిమీదే ధ్యాస
చేస్తారు తీసుకోకుండా శ్వాస
ప్రభుత్వానికి పట్టదే ఊసు
సమయానికి ఉండదే విద్యుత్తు
చెయ్యరు రుణాలు రద్దు
తప్పదు చాలాసార్లు పస్తు
ఎవరికీ ఇలాంటి జీవితమొద్దు
(5)
పండిస్తావు కష్టపడి బంగారం
చివరికి చేతికందేది అనుమానం
ఉండదు ఎవ్వరి సహకారం
అంతా అయ్యాక మిగిలేది
ఎటు చూసినా అంధకారం
పడలేక అలాంటి అవమానం
చేరుకోవాలి అనిపిస్తుంది స్మశానం
(6)
కవిపిస్తుంది ఆశ ఎదురుగా
అందుకే తిరిగి లేస్తావుగా
మళ్ళీ తిప్పలు తప్పవుగా
ఉంటావు కొండంత ఆశతో
అదేచరిత్ర కాకూడదు పునరుక్తము
నీవులేక లేనేలేదు ప్రభాతము
నీకుచెప్పాలి మేమంతా సుప్రభాతము
(7)
మట్టిని దున్ని హలముతో
వేస్తావు విత్తనాలు తెలివితో
తోడుగా ఎరువులు అప్పుతో
చూస్తావు వానకై ఆశతో
భయంకరం వర్షం లేకపోతే
భీభత్సం వాన ఎక్కువైతే
మిగులుతావు అంతా అయోమయంతో
(8)
కంటికి నిండా నిదురేది?
కడుపుకు నిండా తిండేది?
వొంటికి నిండా బట్టేది?
ఇంటికి పైన కప్పేది?
ఎన్నడూ చేతిలో డబ్బేది?
మనసుకి ఇసుమంత శాంతేది?
పిల్లల చదువుకు వీలేది?
(9)
పాడీ పంటలే కాదా
ప్రతి మనిషికి అవసరం
భారము అవ్వగా జీవితం
అమ్ముకుని అన్నీ నష్టానికి
వదిలేసి వెళ్తారు నగరానికి
పట్టదు కదా ఎవరికీ
పల్లెతల్లి ఘోష నిజానికి
(10)
అందుకే వెయ్యాలి ప్రణాళికలు
ఆదుకోవాలి రైతును అన్నివిధాలు
కాకూడదు బ్రతుకు భారాలు
చెయ్యాలి పంటలను భీమాలు
చెయ్యాలి తప్పనిసరి చదువులు
అపుడే అందరిళ్ళలో వెలుగులు
ప్రతిరోజూ సంక్రాంతి దీపావళులు
ఈ రచనను ముత్యాలపూసలు ప్రక్రియ కోసమే వ్రాయబడినది . ఇది దేనికి అనువాదము కాదు. మరే ఇతర పత్రికలకు పంపలేదని హామీ ఇస్తున్నాను.
డా . రాధారాణి సూర్యదేవర
