ముత్యాల పుాసలు ప్రక్రియ...అంశం. సతతం హరితం.

🌳 సతతం హరితం 🌳

🌹________________🌹

ప్రక్రియ: ముత్యాల పూసలు

అంశం: చెట్లు

పేరు: ఐనవోలు కృష్ణవేణి

ఊరు: చింతపర్తి

మండలం: వాయల్పాడ్

జిల్లా: చిత్తూరు

______________________

    🌳 సతతం హరితం🌳

______________________

01. భూమి క్రింద చిన్నివిత్తనం

నిదుర పోయె ఆదమరచి

బాలసూర్యుడు తూర్పు దిక్కున

నిదుర లేపెను లేలెమ్మని

ఆచిన్నివిత్తనం ఆవులించుచూ పైకిలేచే

ఆచిన్నిమొక్కే మహావృక్ష మాయే

ఊరి వారందరికీ నీడనిచ్చే🌳

02. పుడమికి అందం నేనురా

 పచ్చని చెట్టును నేనురా

పాలుగారే మనసు నాదిరా

చల్లని నీడను  నేనురా

కొమ్మలోని రెమ్మని నేనురా

కమ్మని అమ్మని నేనురా

నీ కన్నతల్లినీ నేనురా!!🌲

03. తరులే మనిషికి జీవంరా

తరులే మనిషికి ప్రాణంరా

తరుల వలనే వర్షంరా

తరుల వలనే కూడునురా

తరులే జీవుల ఆయువురా

తరులే జీవుల ప్రాణంరా

తెలుసుకొని మెసులుట మేలునురా🌾🌾

04. చెట్లుంటే భూమికి అందం

  అవివుంటేనే మనిషికి చందం

చెట్లు తోటిదే జీవనబంధం

చెట్లే భూమికి ప్రాణాధారం

చెట్లే పుడమికి జీవాధారం

చెట్లులేనిదే బ్రతుకే లేదు

మానవజాతికి మెతుకే లేదు🎋🌾🌾

05. చేయీ చేయీ కలుపుదాం

చెట్లను బాగా పెంచుదాం

పుట్టుక నుండి చచ్చేవరకు

చెట్ల తోటిదే మనజీవితం

చెట్లే మన మౌననేస్తాలు

ఇంటింటా చెట్లు నాటుదాం

ఊరంతా పచ్చదనం పెంచుదాం🌴🌴

06. వృక్ష సంపద ను పెంచాలి

   స్వచ్ఛత నే సాధించాలి

కాలుష్య కోరలను తుంచాలి

పర్యావరణ సమతుల్యం మనలక్ష్యం

మొక్కల పెంపకం మహాభాగ్యం

వాటి సంరక్షణ మహత్కార్యం

అదేమన జీవిత కైంకర్యం🌱🌱

07. జగతిన హర్షం నిండాలంటే

ప్రగతి పథంలో నడవాలంటే

కరువును దూరం చేయాలంటే

పుడమి పచ్చగా ఉండాలంటే

భూకంపం, భూతాపం తగ్గాలంటే

తరువులు బాగా పెంచాలి

భూమి కి పచ్చతివాచీ పరచాలి☘️☘️

08. పచ్చనిచెట్లు ప్రగతి కి మెట్లు

పచ్చదనం మన ప్రగతికి మూలం

  పచ్చని పరిసరాలు పెంచుదాం

ఆరోగ్యానికి ఆభరణాలనీ చాటుదాం

ఊరంతా వనం చేద్దాం

ఆరోగ్యంగా మనం ఉందాం

రోగాలను తరిమి కొడదాం🌿🌿

09.  నరుకుట చెట్లు  వద్దు

      పెంచుట చెట్లు  ముద్దు 

        రక్షించకపోతే మనం పర్యావరణం  

శిక్షించును మనలని విపత్తులతో

చెట్లను మోసే భూతల్లికి

 భక్తితో చేతులెత్తి మొక్కాలందరు 

చెట్లులేనిదే అంతా శూన్యం🌳🌳

10.  కప్పుకున్నది నేలతల్లి పచ్చతివాచీ

ప్రీతియన్నది పుడమితల్లి చల్లదనం

ప్రాణ మన్నది పాలపిట్ట కమ్మదనం

మెచ్చుకున్నది  రైతు మోము పచ్చదనం

ఆనందమాయే పర్యావరణ పసిదనం

పారిపోయే వైపరీత్యాలు బహుదూరం

వృక్షో రక్షతి రక్షిత: 🌳🌴🌲🎄☘️🌾🌱🌾🌾

______________________

హామీ పత్రం: ఈ కవిత నా స్వంత రచన  . దేనికి అనుకరణ కాదు అనుసరణ కాదు.