స్త్రీ ఆబల కాదు సబల దీపావళి కవిత

మహతీ సాహితీ కవి సంగమం
చిత్రకవిత-14
(24-10-2022).

శీర్షిక :  స్త్రీ  అబల కాదు సబల .

రచన : శ్రీమతి : పుల్లాభట్ల జగదీశ్వరీముార్తి.
కల్యాణ్  :  మహారాష్ట్ర .

క్రీస్తు పుార్వం నుండే జరుగుతున్న
ఎన్నో అరాచకాలు అన్యాయాలు
నిరంకుసత్వం నిండిన నిజాం పాలనలో
ప్రబలిన బరువైన బానిసత్వాలు॥

స్త్రీ లకు స్వాతంత్ర్యం లేని
బ్రతుకు తీపినెరుగనీయని నియంత్రణలు
ఆచారాల పేరుతో  అణచివేతలు
ఆధిపత్య సాధింపులతో నిండిన అగచాట్లు ॥

ఉద్యమాల బాటలో ఆహుతైన  దేశ ప్రేమికులు
స్త్రీ ల సంక్షేమానికై  ఉబ్నతి నిండిన పథకాలు.
నిరక్షరాస్యత నిండిన జనుల్లో చైతన్యం కలిగించే
కధలు కావ్యాలు నిండిన విరివైన గ్రంధాలయుాలు॥

రామాయణాది  మహా కావ్యాలలో
మానవత్వపు విలువలు నిండిన
పాలనా సమర్ధతల సందేశాలు
గీతా బోధనలో చాటిన జన్మ కర్మ సిద్ధాంతాలు ॥

మన సంస్కృతి  సాంప్రదాయాలలో
సాధించవలసిన మనిషి నడవడికలు
మన పండగలు పబ్బాలలో
చెడుపై  మంచి సాధించిన విజయాలు ॥

భగవంతుడనే  భావనకిచ్చే ప్రాధాన్యతలు -
లోకాతీత శక్తికి తలవంచిన రాక్షస  ప్రవృత్తులు
అమ్మగా, ఆది అవతారిణిగా స్త్రీ రుాపాలు
వేల సాహసోపేత శక్తులకు నిదర్శనాలు ॥

నేటి చరిత్రలొ ఎన్నో సంకుచిత మనస్తత్వాలు
వావి-వరుసలు మరచిన పాపుల తాపాలు॥
పురుషాధక్యతకు నలిగిపోతున్న
ఆబలల ఆత్మహత్యలు ॥

నేటికినీ మారని చరితల సందేశాలు
మార్గదర్శకత్వం చేస్తున్న పుస్తక పుటలు.
మంచి నిండిన మార్పు కోరుతుా చేస్తున్న
శాంతియుత ప్రయత్నాల వ్యయ ప్రయాశలు ॥

  ప్రాశస్త్యత  నిండిన మన పండలు పబ్బాలు.
ప్రతీ వత్సరానికి వస్తున్న సదాచారాల సందేశాలు॥
మరచిన చరితలను వెలికితీసే ప్రయత్నాలు.
శక్తి రుాపిణిగా స్త్రీల అవతారాల ఆవశ్యకతలు
భేద భావాలు చుాపని పురోగతికి సాధనాలు
నేటి రాజకీయ, సాంఘీక, వ్యవహారాల్లో
మార్పు కోరికల పట్టు కొమ్మలు॥

నేర్వండి,నేర్పండి మన చరితల్లో దాగిన నిజాలు.
స్త్రీ  పురుష సమానతల సందేశాత్మక నినాదాలు.
మన పండగల్లో దాగిన అతి కీలక విషయాలు
నేటి  స్త్రీ లందరుా అరాచకాలనణచివేసేందుకు
సిద్ధమైన సత్యభామలు.॥

దీపావళి

24/10/2022.

గోరసం వారి దీపావళి కాంతులు అనే సమూహం కొరకు వ్రాసినది.

అంశం: దేదీప్యమైన దీపావళి.

శీర్షిక : అంతరార్ధ సందేశాల ఆనంద వేడుక.

అంశం :  దేదీప్యమైన దీపావళి .

రచన : శ్రీమతి : పుల్లాభట్ల జగదీశ్వరీముార్తి.

కల్యాణ్  :  మహారాష్ట్ర .

వికశించిన విరులల్లె పసరిన  ప్రకృతి 

పచ్చదనపు వలువ వెలుగుల నిండు ప్రగతి.

అలరించు శోభలతో నిండిన అందమైన భారతి

సాంప్రదాయ  వేడుకలు నిండిన  మేలు సంస్కృతి ॥

నరకాసుర వధకు ప్రతీకగా ఆనంద వేడుకలు

దేదీప్యమైన దీపవళులు నిండిన దివ్య వేదికలు.

పుడమి నిండిన దీప కాంతుల వేల వెలుగులు

మానసిక చీకట్లను పారద్రోలే మనవైన పండగలు ॥

మనిషిలోని దాగియున్న వేటాడే మృగాలు

తప్పు అనే చీకటి అమావాస్యకు ప్రతిరుాపాలు.

సత్యమనే బాటలో నిండిన కలుపు మొక్కలు.

ధర్మం నిండిన తుాణీరాల వేటుకు

 కుాలుతున్న పైశాచిక ముళ్ళు॥

ఆనందపు పలకరింపుల వరుస బంధాల్లో-

 అందరుా ఒక్కటైన ఆనంద క్షణాలు.

పండగ పలకరింపుల మానవ సంబంధాలు.

అందరు ఒక్కటైన సమత మమతల కాంతి పుంజాలు॥

నాగరికత పేరుతో  తిరిగే నగర పిశాచాలు.

తల్లి భారతి ప్రగతి బాటను శాసిస్తున్న అవరోధాలు.

అబలలనుకున్న స్త్రీ శక్తికి నిండైన నిదర్శనాలు 

దీపావళి పండగలో నిక్షిప్తమైన నిజమైన సందేశాలు ॥

హామీపత్రం: ఈ కవిత కేవలం గోరసం కొరకు మాత్రమే వ్రాసినది..ఈ కవిత మరే ఇతర మాధ్యమాలలో కానీ, సమూహాలలో కానీ ప్రచురితం కాలేదని హామీఇస్తున్నాను. 

పంచపది ..అంశం : వారణాసి

15/10/2022.

పంచపదిలో

అంశం : వారణాసి.

రచన : శ్రీమతి : పుల్లాభట్ల జగదీశ్వరీముార్తి.

కల్యాణ్  :  మహారాష్ట్ర 

పవిత్ర  కాశీ, పుణ్య క్షేత్రము .

వరుణ, అసి ,గంగానదుల సంగమము.

పవిత్ర జ్యోతిర్లింగ విశ్వేశ్వర దర్శనము.

కాశీలో మరణము ముక్తి కారకము .

అనేక మందిరాది విద్యా సంస్కృతుల నిలయ మీశ్వరీ ॥

*పంచపది సాహితీ కవన వేదిక*

నేటి పంచపది:339

తేది:15.10.2022

అంశం:*వారణాసి* లో

పంచమ విజేతగా

కవన మణి:

పుల్లాభట్ల జగదీశ్వరీమూర్తి గారు.

నిర్వహణ:కాటేగారు పాండురంగవిఠల్

పంచపది రూపకర్త:హైదరాబాద్

సహ నిర్వహణ:పోరంకి నాగరాజు

శ్రీ రాజరాజేశ్వరీ కవితా సంకలనం కొరకు...

శుభోదయపు స్వాగతం 

********************

ఆధ్యాత్మిక పూమాలికలను భావి తరాలకు అందించాలన్న సంకల్పంతో 

ఆధ్యాత్మిక పరిమళాలు - శీర్షికన 

ఎంతో ప్రాశస్త్యం ఉండి 

మహిమాన్విత దేవతామూర్తుల కొలువుతో 

ప్రశాంతంగా భాసిల్లుతున్న 

ఉత్తరాంధ్రా భగవత్ ఆలయాల ప్రాశస్త్యాన్ని 

ప్రపంచానికి చాటి చెప్పాలని 

ఆ దేవాలయాల చరిత్ర 

మహత్యం 

ప్రాధాన్యతలను 

కథలు 

కీర్తనలు 

కవితలు 

వ్యాసాలు 

జర్నల్స్ గ 

అందించాలన్న ఆశయం తో ప్రారంభించబడిన 

కవుల సమూహం 

" శ్రీ శ్రీ కవన వేదిక "

మా తొలి ప్రయత్నం 

మా అమ్మ ,కరుణామయి 

                    శ్రీ రాజ రాజేశ్వరి 

అమ్మవారిపై 

వచన కవిత్వాన్ని ఈ - సంకలనంగా తీసుకువద్దామని 

ప్రయత్నం 

అమ్మ ఆశీస్సులతో 

మీ అందరి దీవెనలతో 

కవితల మాలను అమ్మకు హారముగా సమర్పించి అమ్మ కరుణ ,కృప పొందుదాం !

శ్రీ శ్రీ కవన వేదిక 

గ్రూపు లోఈ - సంకలనంలో చేరదలుచుకున్నవారు 

కింద ఉన్న వాట్సాప్ లింక్ ద్వారా చేరవచ్చు 

లేదా 

నా నంబరు 7674055482 కు మీ కవి పరిచయం - వివరాలు పెట్టిన ఆడ్ చెయ్యగలను .

శుభోదయపు నమస్కారములతో 

చేబియ్యం శ్రీనివాసరావు 

కాంటాక్టు బేస్ క్రాప్ట్ 

శ్రీకాకుళం 

జన్మస్తలం 

శ్రీ సంగమేశ్వర వెలసిత 

శ్రీ కనకమహాలక్ష్మి 

శ్రీ రాజ రాజేశ్వరి నివాసిత సంగాం అగ్రహారం 

ఒకప్పటి శ్రీకాకుళం జిల్లా - ఇప్పుడు నూతన జిల్లాల ఏర్పాటులో విజయనగరం జిల్లా అయినది .🙏🙏🙏

శ్రీ రాజ రాజేశ్వరీ సంకలనం కొరకు...

ప్రక్రియ : మత్త కోకిల పద్యసుమాలు.

రచన శ్రీమతి పుల్లాభట్ల జగదీశ్వరీముార్తి

కల్యాణ్  మహారాష్ట్ర .

శ్రీ రాజ రాజేశ్వరీ సంకలనం కొరకు...

1.

భాగ్యరాసివి కోమలీజయ బాల శుార్య ప్రకాశినీ

యొాగ్యదాయినమొాఘ మంత్రసుయొాగినీ హితకారిణీ

ఋగ్య జుర్విధ సామ గానస్వ రుాపి సుందర గాయకీ

అర్ఘ్య పాద్యసు పుాజితే పర మార్ధ మొాక్షకరీ శుభే ॥

2.

వ్యాఘ్రవాహిని ధుామ్రలోచన వ్యాజకరుణా లోలినీ

శీఘ్రమేవ ప్రసీద పార్వతి  శీతలాంబసువాసినీ ॥

ఉగ్ర రుాపిణి ఇక్షు దండకరీ  ఉమాభవ తారిణీ

అగ్ర గామిని ఆది భిక్షుని అర్ధ భాగిని అమ్మణీ ॥

3.

వేదవందిత పుార్ణ జ్ఞాన సువేత్తి వేదపరాయణీ

కాదిహాదిసు మంత్రమానిని కాలరుారిణి చిద్ఘనీ

సాదిశక్తి సుధామినీఘన శాలినీ హరు కామినీ 

మొాది నీఘన సార సుందర మొాఘ మంజుల భాషిణీ

4.

గంధమాలిన మేయశక్తిసు గాత్రి సుార్యప్రకాశినీ

బంధమొాచనఘొార నాసిన పారశక్తి స్వరుాపిణీ మందహాసిని ఇందులోచని మాతహంససువాహినీ ॥

వంద నీసుర బిందుమాలిని  వారి జాక్షిసు శస్త్రిణీ॥

5.

దివ్యజ్ఞాన ఖనీ సుహాసిని దీన దైన్యసు పోషిణీ

భవ్య సుందరి తారకాసుర భంజితాఖిలపాలినీ

నవ్య రుాపిణి నాట్యమంజుల నాదబిందుకళాత్మనే

కావ్య రుాపిణి గాన మొాదిని కామ కోటి విలాసినీ॥

6.

నిత్య నీరద చక్ర స్వామిని  నిర్మలాశ్రిత పోషిణీ

సత్య వాదిని గుప్త యొాగిని సజ్జనాహిత కారిణీ 

అత్య నంతసు తీర్థ వైభవ అగ్ని తేజ ప్రకాశినీ

ప్రత్య భిన్న పరాయణీ వర ప్రకృతీపర మేశ్వరీ ॥

14/10/2022.

మహతీ సాహితీ కవి సంగమం

నేటి ఐచ్ఛికంలో

" శ్రీరాజ  రాజేశ్వరీ " స్తోత్రం .

ఛందస్సు : ఇంద్రవ్రజ.

గురు శంకరాచార్యుల ఛందస్సు వైభవము

ఇంద్రవజ్రకు గణములు- త-త-జ-గ-గ, 

ప్రక్రియ : శ్లోకం.

రచన : శ్రీమతి : 

పుల్లాభట్ల జగదీశ్వరీముార్తి.

కల్యాణ్. : మహారాష్ట్ర .

---------------------

1.

మాతామ హారాజ్ఞి మతంగ కన్యే

శ్రీమన్మ హాదేవ  సుభాంగపర్ణే. 

శ్రీరాజ  రాజేశ్వరి వంద్యమాన్యే

పాహీ పరేశక్తి  నమొా నమస్తే ॥

2.

కస్తూరి  కాశ్యామల కోమలాంగే

శ్రీమన్మనోజ్ఞే  శ్రితపాద యుగ్మే

శ్రీరాజ రాజేశ్వరి రక్షసఘ్నే (చారు హాసే).

పాహీ పరేశక్తి  నమొా నమస్తే ॥

3.

వందే శుభాంబిక శ్రితాశ్రితాయే

చతుర్భుజే శంకరు వల్ల భాయే 

శ్రీరాజ రాజేశ్వరి దివ్య ముార్తే

పాహీ పరేశక్తి  నమొా నమస్తే ॥

4.

కాదంబ వాటీ కమలాలయాయే..

కస్తుారికా దివ్య సుగంధ మాల్యే

శ్రీరాజ  రాజేశ్వరి శ్యామలాంగే

పాహీ పరేశక్తి  నమొా నమస్తే ॥

5.

కామాక్షి  భుామండల నాయికాయై

వామే స్థితేశంక రురాణి మాన్యే

శ్రీరాజ  రాజేశ్వరి చిత్స్వరుాపే

పాహీ పరే శక్తి  నమొా నమస్తే ॥

6.

వాణీ రమా సేవిత పాద పద్మే

బ్రహ్మేంద్ర దేవాదిభి రర్చితాంఘ్రే

శ్రీరాజ  రాజేశ్వరి సిద్ధి ధాత్రే 

పాహీ పరే శక్తి  నమొా నమస్తే ॥

7.

అవ్యాజ కారుణ్య రసప్రవాహే..

ఆనంద కైలాశ గిరీసు నందే

శ్రీరాజ  రాజేశ్వరి సుదుర్ల భాయే

పాహీ పరే శక్తి  నమొా నమస్తే ॥

8.

 క్షేత్ర స్వరుాపే ధర దైత్య దుారే

ఉన్మేష ణాక్షీ కృతకర్మ సారే 

శ్రీరాజ  రాజేశ్వరి సుయజ్ఞ రుాపే

పాహీ పరే శక్తి  నమొా నమస్తే ॥

9.

శ్రీవేద వేద్యే స్థితి కారణేభ్యే

యంత్రస్వ రుాపేసు స్వతంత్ర రుాపే  

మాతేన వావర్ణ సుబిందు పుార్ణే

పాహీ పరే శక్తి  నమొా నమస్తే ॥

10.

చింతామ ణిద్వీప త్రికోణ మధ్యే

శ్రీచక్ర  మధ్యస్థి తమంత్ర మాన్యే

 హేబిందు రుాపే స్థిత సింహ వాహే

పాహీ పరే శక్తి  నమొా నమస్తే ॥

*****************************

వైద్యుడు.

రచన : శ్రీమతి పుల్లాభట్ల జగదీశ్వరీముార్తి .

కల్యాణ్ : మహారాష్ట్ర .

శీర్షిక  : తెల్లకోటులో దాగిన దర్పం .

ఆతని మాటలతో రోగాన్ని జయింగల ధైర్యం

ఆతని స్మర్శతో రోగులలో పెరిగే ఆత్మ స్థైర్యం.

 అలమటిస్తున్న రోగులకు అన్నీ తానైన ఘనం

అతనిచ్చిన ఔషధం రోగాలను బాపే అమృతం ॥

తెల్ల కోటులో దాగిన దర్పం, అతని

స్వశ్ఛత నిండిన  మనసుకు నిదర్శనం  .

 మెడలో స్టెతస్కోప్, విద్యార్హతకు ఫలం.

 అతడే రోగులను గాచే విధాతైన వరం  ॥

శస్త్ర చికిత్సకు నైపుణ్యత నిండిన చెేతి వేళ్ళు.

సునిశిత దృష్టిగల వ్యవస్థీకృత కార్యాచరణలు

 బ్రతుకు ఊపిరినల్లే బలమైన నేతగాళ్ళు.

 సమర్ధవంతమైన కార్య కర్తలు వైద్యులు ॥

 

పగలుా రాత్రీ సేవలందించే వృత్తి , సేద్యం.

బీదా గొప్పా తేడా చుాపని సమానతల భావం

ఆరోగ్యమే మహా భాగ్యమంటుా చేసిన వైద్యం

వైద్యుడే ఇల వెలసిన  దైవానికి ప్రతిరుాపం.॥

"డాక్టర్ బిధాన్ చంద్రరాయ్ నిలబెట్టెను వైద్యుల ఘనం

ఆతని జయంతి రోజే ఆయన వర్ధంతి దినం

జూలై 1ని జరుపుకొనే జాతీయ వైద్యుల దినోత్సవం 

వైద్యుల సేవాతత్పరతకు  ఇదే నా వందనం ॥

దత్తపది

అంశం : దత్తపది: మరి  పరి   చరి సరి

రచన: శ్రీమతి: పుల్లాభట్ల జగదీశ్వరీముార్తి.

కల్యాణ్ : మహారాష్ట్ర .

మ.సా.క.సం.  19.

సీసపద్యము.

(మరి)యాద గలవారు మహిలోన కనరారు

(పరి)చయ స్థులగుాడ  ఫలము లేదు

(చరి)యింతు రుగవారు చేటుచేయగనెంచు

(సరి)సత్య బాటనే సాగు సుఖము ॥

(మరి)పించు మాటలా మురిపించు పాటలా 

 పరికించి పలుకుటే  ఫలము జయము  

(చరి)తహీ నులిలను చక్కగా చరియింప

( సరి)ధర్మ  మునకిల  స్థాన మేది  ॥

 

ఆటవెలది.

చెప్ప సిగ్గు గాదె  చేటుమా టలనాడ

ఒప్పు కొనరు తప్పు ఒక్క రైనా

నిప్పు లాంటి దిగద   నివురుగ ప్పునిజము

సాక్షి నీదు మనసె సత్య మిలను ॥