ముత్యాల పుాసలు

🍄🍄🍄🍄🍄🍄🍄🍄

పేరు: గుదిమెళ్ళ మంజుల

ఊరు: విజయవాడ

ప్రక్రియ: ముత్యాల పూసలు

అంశము: రైతు

🍄🍄🍄🍄🍄🍄🍄🍄

01.

హలమేనట అతని బలం

హలమేనట అతని ఆయుధం

అందించును మనకు ఆహారం

వ్యవసాయమే అతని ఆధారం

హర్షించేను మన దేశం

అతనికి లేదు ఏప్రోత్సాహం

అతడే మన రైతునేస్తం

02.

హలం పొలం అవశ్యం

రైతన్నకు ప్రతి దినం

దుక్కిదున్ని హాలాహలం

పండించేను బంగారం

పొట్ట కూటి కొరకు

చేయబోడు రైతన్న వ్యవసాయం

అందరికీ కడుపు నింపాలన్నదే ధ్యేయం

03

నేల తల్లి బిడ్డరా

మట్టి పైనే మమకారమురా

చేతపట్టి హలాన్ని

పండించేను సిరి సంపదలని

విత్తనమున రైతు చూసే

సృష్టిలోన ప్రాణుల ఆకలిని

హర్షించక తప్పదు ఈ కర్షకుడిని

04

భిక్షాటన చేసే వారికి

ఆకలి తీర్చేది అన్నమే...

కోట్ల సంపాదన వెనకేసినా

ఆకలి తీర్చేది అన్నమే....

కూటి కోసం కోటి విధ్యలున్నా

హలం పొలం మాత్రమే

తెలిసిన రైతుకు వ్యవసాయమే శరణ్యం

05

చాలు చాలు ఈదారుణం

ఇకనైనా ఆగాలి ఈవైనం

ప్రాధాన్యం లేని వైనం

రైతుకు అందాలి ప్రోత్సాహం

వ్యవసాయమే అతని ఉపాధి

వ్యవసాయమే అతని వృత్తి

రైతు కన్నీటికి అంతమే చెప్పాలి సమాజం

06

కర్షకుడే కానీ హర్షించేదెవ్వరు

బీడు భూములను బంగారుచేసే

కానీ సమాజానికి అపరిచితుడయ్యే

మట్టి లోన మాణిక్యమే

కానీ మాటవరసైనా గుర్తింపు లేదే

పేరుకే అన్నదాత కానీ

అతడి జీవితాన కరువుకాటకాలే

07

మట్టి మనిషి రైతన్న

నేలతల్లి కూర్పు రైతన్న

కాయ కష్టము చేసే

కొండలు పిండిని చేసే

పొట్ట కూటి కొరకు

పొలం బాట పట్టి

పదిమందికి అన్నదానం చేసే

08

ఆకసాన కురిసే వానచినుకు

నేల రాలిన తరుణాన

చినుకు నేల తల్లికి

సంధి చేయువాడే రైతు

గాలి వీచే సమయాన

భూమిపై తాను కష్టించిన

పైరును పరవసింపచేసేవాడే రైతు

09

ఎవరికి ఎరుక ఈలోకంలో

ఏవిత్తనాన ఏమొక్క దాగినదో

ఎవరికి తెలుసులే ఈలోకంలో

ధాన్యం ఏరైతు పండించెనో

ఎవరికి ఎరుకలే ఈలోకాన

ఏరైతుకు ఏబాధ ఉన్నదో

ఏ గండి తనకన్నీటిని ప్రవహింపచేసేనో

10

ఋణాలు తీసుకునే రైతుకు

మనం ఋణం ఉన్నాము

వాన చినుకుకై వేచిచూసే

రైతుకు మనం చేయూతనిద్దాం

మధ్యవర్తుల దళారులను త్యజించి

రైతు వద్దకు వెళదాం

రైతన్నని నిజమైన అన్నదాతగా కీర్తిద్దాం