మాతృ దేవోభవ ..(కవిత ).

08/05/2023

కలం స్నేహంలో 

మాతృ దినోత్సవ కవితల పోటీ కొరకు ,

అంశం :  మాతృదేవోభవ .

శీర్షిక :  అమ్మకు, అమ్మే సాటి.

రచన : శ్రీమతి : పుల్లాభట్ల జగదీశ్వరీముార్తి.

 కల్యాణ్. మహారాష్ట్ర .

కనిపించే దైవం దేముడైతే

కని పెంచే దేవం అమ్మ ॥

సృష్టించే వాడు దేముడైతే ..

ఆ సృష్టి కి ముాలం అమ్మ ॥

తొమ్మది నెలల భారం తనలో మొాస్తుా 

 ప్రసవ వేదనలో కుాడాప్రతి క్షణం ఎదురుచుాస్తుా

 తన రక్తమాంసాల ఆకృతిని  ఆత్రంగా ముద్దాడే

 అది చైతన్య ముార్తి , ఆర్తి నిండిన అమ్మ ॥

ఆఁ వుాఁ ల వుాసులకు అర్ధం అమ్మ పలుకే

ఆడుగులేయడం నేర్చేది, అమ్మ ఆసరాతోనే 

ప్రపంచ వార్తా విశేషాలెన్నో,అమ్మ ఒడి బడిలోనే

ప్రపంచాన్ని గెలిచే ధైర్యం  అమ్మ చెప్పే కధల్లోనే..॥

ఆకలేస్తే  అడిగేంతలోనే సాక్షాత్కరిస్తుంది అమ్మ

నిద్దరొస్తే , జోల పాడి లాలిస్తుంది....అమ్మే

తన కంట్లో నలుసు పడితే అమ్మ కంట కన్నీరు

తన కాలులో ముల్లు దిగితే అమ్మ గుండెలో గునపాలు.॥

తన అనంద రుాపం  ,  అమ్మకు స్వర్గలోకం .

తన ఆరోగ్యం , అమ్మకు నిత్య వసంతం .

తన భోగ భాగ్యాల సుఖం, అమ్మకు ఆనందం.

తన చిరునవ్వే అమ్మ కంటికి వెలుగు కిరణం. ॥

అమ్మ జీవితాంత కష్టానికి ఎదిగిన నా అస్థిత్వం

అమ్మ ఋణాన్ని తీర్చుకోలేని స్వార్ధపుారిత వ్యక్తిత్వం ॥

  ఐనా ఓడిపోని  అమ్మ ,  ప్రతి సృష్టికి మరో బ్రహ్మ .

నిజానికి ఊపిరాడని ఊడిగానికి నిలువెత్తు కీలుబొమ్మ.॥

         " అమ్మ ".

హామీ :

ఈ కవిత ఏ మాధ్యమునందునుా ప్రచురితము కాని నా స్వీయ రచన.

.

భగవంతుడు మనకు జన్మ నిస్తే

ఆ జన్మకు పరిపుార్ణతనిచ్చేది అమ్మ.॥

మన ఆకలి దీర్చేందుకు అనందంగా 

తన  స్థనాలనుండి అమృతధారలు కురిపిస్తుంది ॥

తన జీవితంలో చిరు కష్టం  అమ్మకు  

ఎవరెష్ట్ శిఖరాన్ని ఎక్కుతున్నంత  కష్టం ॥

ప్రతీ జీవి జన్మకు కారకురాలైన అమ్మ తనం

ఆది రుాపమైన అంబను మించిన శక్తి స్వరుాపం॥