పొర్ల వేణుగోపాల్ గారి సాహిత్య రచనలు

[29/07, 8:30 pm] Porla Venu Gopala Rao: *మహతీ సాహితీ కవిసంగమం, కరీంనగరం*

తేదీ: *29-07-2023- శనివారం*

అంశము: *బాలసాహిత్యం(య వత్తు సంయుక్తాక్షర పదాలు)*

*********************

పేరు: *పొర్ల వేణుగోపాల రావు*

ఊరు: *ఎల్లారెడ్డిపేట, రాజన్నసిరిసిల్ల*

శీర్షిక: *సత్యమైన విడుపు చాటవమ్మ!*

ప్రక్రియ: *పద్యము(ఆట వెలది)*

*********************

*(1)*

*సత్యమునకు నెలవు!నిత్య సత్యస్ఫూర్తి*

*కార్యమేదియైన ఘనుడు తాను!*

*భార్యనమ్మె తుదకు!భళియనె దేవతల్!*

*సత్యమైన విడుపు చాటవమ్మ!*

*(2)*

*ఆర్యుడనిన తాను!నడవిలో గడిపెను!*

*సూర్యవంశమునకు చుక్క యతడు!*

*భార్యనడవికంపి వలవలా రోదించె!*

*సత్యమైన విడుపు చాటవమ్మ!*

*(3)*

*శౌర్యమునకు పేరు!సరిసాటి మరిలేరు!*

*బాల్యమందు విడిచె పడతి కుంతి!*

*తుదకు స్నేహమయ్యె దుర్యోధనునితోడ!*

*సత్యమైన విడుపు చాటవమ్మ!*

*(4)*

*నాట్యమనిన ప్రీతి!నటనజీవితమాయె!*

*కాలుపోయెను చెడు ఘటనలోన*

*ధైర్యమంతపొంది తన నృత్యమునుజూపె!*

*సత్యమైన విడుపు చాటవమ్మ!*

*(5)*

*రంతిపురపు రాజు!రాజ్యము త్యజియించె!*

*సన్యసించి యడవి చనెను తాను*

*త్యాగమునకు పేరు!తనయన్నమును బంచె!*

*సత్యమైన విడుపు చాటవమ్మ!*

*(6)*

*వాక్యమందునుండు! వార్ధక్యముననుండు!*

*లక్ష్యమందు నుండు!లౌక్యమందు!*

*వియ్యమందు లేదు!నెయ్యాన లేదురా!*

*సత్యమైన పొడుపు చాటవమ్మ!*

*(7)*

*సత్యభామకు పతి! సరసన రుక్మిణి!*

*అష్టభార్యలైన యిష్టుడతడు!*

*వేణుగాన ప్రియుడు!వేదవేద్యుడతడు!*

*సత్యమైన పొడుపు చాటవమ్మ!*

*********************

హామీపత్రము: *స్వీయరచన*

*నా పొడుపు పద్యములను ఆదరిస్తున్న కవిమిత్రులు అందరికీ నా ధన్యవాద నమస్సులు. ఎంతో ఓపికగా శనివారం కార్యక్రమంలో సమీక్షణం/నిర్వహణ చేస్తున్న డి.యస్వీ.గారికి, సోదరుడు కృష్ణుడికి అభినందనలు.. విడుపులకై యత్నించగలరు. లేనిచో జవాబులు వచ్చేవారం*

*శనివారం బాల్యంలోకి వెళ్ళే*

*వేణుగోపాలుడు*

😊🙏🌹🙏🌹🙏🌹🙏

[29/07, 8:43 pm] +91 98482 38453: 1.హరిశ్చంద్రుడు

2. శ్రీరాముడు

3.కర్ణుడు

4.మయూరి

5.రంతిదేవుడు

6.య..సంయుక్తాక్షరము

7.శ్రీకృష్ణుడు

[29/07, 9:49 pm] +91 99890 18003: 3️⃣0️⃣

పేరు: *పొర్ల వేణుగోపాల రావు*గారు 

శీర్షిక: *సత్యమైన విడుపు చాటవమ్మ!*👌👌👌👌👌👌👌🤗🤗🤗🤗

*(1)*

సత్యమునకు నెలవు

👉 సత్యహరిశ్చంద్ర 

*(2)*

*ఆర్యుడనిన తాను!నడవిలో గడిపెను!*

👉రాఘవుడు 

*(3)*

*శౌర్యమునకు పేరు!సరిసాటి మరిలేరు!*

👉 కర్ణుడు 

*(4)*

*నాట్యమనిన ప్రీతి!నటనజీవితమాయె!*👉 సుధా చంద్రన్ 

*(5)*

*రంతిపురపు రాజు!రాజ్యము

👉రంతిదేవుడు

*(6)*

*వియ్యమందు లేదు!నెయ్యాన లేదురా!*

👉 య సంయుక్త అక్షరాలు 

*(7)*

*సత్యభామకు పతి! సరసన రుక్మిణి!*

శ్రీ కృష్ణుడు 

👉డి.యస్వీ.గారికి, సోదరుడు కృష్ణుడికి అభినందనలు..

👉మీ అభినందనలకు వందనాలు 

👉 అధ్బుతమైన పొడుపు పద్యాలు కు కళ్లలో వత్తులు వేసుకుని ఎదురు చూసేను . 

👉సరళమైన పదాలు 

👉సప్త రత్నాలు

👉 సంయుక్తాక్షర ఆటవెలదుల ఆటలు అవధులు లేని ఆనందాలు 

👉*శనివారం బాల్యంలోకి తీసు కెళ్ళే మహతీకి *వేణుగోపాల వారు*వేసే పొడుపులకు సమూహమంతా  చైతన్యం నిండుతుంది .  ఈ పొడుపులు బాలలకు 

పండుగ. అభినందనలు 🎉🙏💐

   

😊🙏🌹🙏🌹🙏🌹🙏

*మహతీ సాహితీ కవిసంగమం, కరీంనగరం*

తేదీ: *01-07-2023- శనివారం*

అంశము: *బాలసాహిత్యం(త వత్తు- సంయుక్తాక్షర పదాలు)*

*********************

పేరు: *పొర్ల వేణుగోపాల రావు*

ఊరు: *రాజన్నసిరిసిల్ల*

శీర్షిక: *గుర్తుపట్టి విడుపు కూర్చవమ్మ!*

ప్రక్రియ: *పద్యము(ఆటవెలది)*

*********************

*(1)*

*భర్తలైదుగురట!పాంచాలి యనిపేరు*

*పతులకు తగినటుల వర్తనంబు!*

*కష్టకాలమందు కర్తవ్యమును దెల్పు!*

*గుర్తుపట్టి విడుపు కూర్చవమ్మ!*

*(2)*

*హస్తమందు నుండు!విస్తరిలోనుండు!*

*పుస్తకములనుండు!మస్తకమున!*

*సంస్థ లోన లేదు! సంస్థానముల లేదు*

*గుర్తుపట్టి విడుపు కూర్చవమ్మ!*

*(3)*

*అస్తికొరకు నూట యైదుగురు పెనగ*

*విస్తుపోయిరంట వీధిజనులు!*

*ప్రస్తుతించిరంట పంచ వీరుల జూచి*

*గుర్తుపట్టి విడుపు కూర్చవమ్మ!*

*(4)*

*సృష్టికర్త యతడు! శ్రీవాణి భర్తయౌ!*

*భక్త సులభుడయ్యి వరములిచ్చు!*

*ముక్తిగోరినంత భూలోకమున పంపు!*

*గుర్తు పట్టి విడుపు కూర్చవమ్మ!*

*(5)*

*వాస్తవమున నతడు వసుదేవ తనయుడు!*

*ఆస్తియాయె నిద్దరమ్మలకును!*

*రక్తి,ముక్తి,భక్తి రంజిల్లె వేణువై!*

*గుర్తు పట్టి విడుపు కూర్చవమ్మ!*

*********************

హామీపత్రము: *స్వీయరచన*

*నా పొడుపు పద్యాలను ఆదరిస్తున్న, అభిమానిస్తున్న కవిమిత్రులు అందరికీ హృదయ పూర్వక ధన్యవాదాలు*

*విడుపుకై యత్నించండి. జవాబులు వచ్చేవారం*

*మీ*

*వేణుగోపాలుడు*

🙏🌹🙏🌹🙏🌹🙏🌹🙏

[03/06, 3:34 pm] Porla Venu Gopala Rao: *మహతీ సాహితీ కవిసంగమం, కరీంనగరం*

తేదీ: *03-06-2023- శనివారం*

అంశము: *బాలసాహిత్యం- క-వత్తు సంయుక్తాక్షర పదాలు*

*********************

పేరు: *పొర్ల వేణుగోపాల రావు*

ఊరు: *ఎల్లారెడ్డిపేట, రాజన్నసిరిసిల్ల*

శీర్షిక: *పల్కులోన విడుపుజిల్కవమ్మ*

ప్రక్రియ: *పద్యము(ఆటవెలది)*

*********************

*(1)*

*పల్కు పల్కుచుండు పల్కులకేరాణి!*

*కెంపుముక్కునున్న కీరవాణి!*

*కొమ్మపైనగుల్కు క్రొత్తయందాలతో*

*పల్కులోన విడుపు జిల్కవమ్మ!*

*(2)*

*పల్కె తెలుగునతడు!వహ్వాగ!తుళురాజు!*

*స్థానమిచ్చెనతడు!సత్కవులకు!*

*తెలుగుభాషలోన దిక్కరీన్ద్రములైరి!*

*పల్కు లోనవిడుపు జిల్కవమ్మ!*

*(3)*

*తర్కమందు చంద్ర తారార్కమౌ మేటి!*

*విక్రమార్క జోడి!వీడడెపుడు!*

*పల్కకున్న కాళి, ప్రాణమే యిచ్చేను*

*పల్కులోన విడుపు జిల్కవమ్మ!*

*(4)*

*సహజ దానశీలి!సత్కార్యములు జేసె!*

*నర్కపుత్రుడయ్యి నవని వెలసె!*

*తుదకు రాజుకొఱకు దుష్కార్యములు జేసె!*

*పల్కులోన విడుపు జిల్కవమ్మ!*

*(5)*

*తానుబుట్టెనంట తస్కరశాలలో!*

*భారతంబునతడు భాస్కరుండు!*

*చల్లజిల్కునట్టి గొల్లభామలు తోడు!*

*పల్కులోన విడుపు జిల్కవమ్మ!*

*********************

హామీపత్రము: *స్వీయరచన*

*నా పొడుపు పద్యాలను ఆదరిస్తున్న ప్రియమిత్రులు అందరికీ ధన్యవాదనమస్సులు! జవాబులను యత్నించగలరు.. నా విడుపు వచ్చేవారం*

*ధన్యవాదాలతో*

*మీ*

*వేణుగోపాలుడు*

🙏🌹🙏🌹🙏🌹🙏🌹🙏

[03/06, 3:51 pm] +91 96406 22018: నా సమాధానములు: 

1. చిలుక

2. శ్రీకృష్ణదేవరాయలు

3.భట్టి

4. కర్ణుడు

5.శ్రీకృష్ణుడు.🙏🙏

**పరిచయ పద్యాలు*

*(1)*

*నింగి కట్టెనంట నీలిమబ్బుల చీర*

*నెంత యందమొలికె వింత రంగు!*

*పసిడి కిరణములవి! పారాడు కుచ్చెళ్ళు!*

*గగనకాంతకెంత గర్వ మాయె!*

*(2)*

*నదినియప్పునడిగి హృదినిదాచినదంత*

*మరల తిరిగి ఇచ్చు మనకు తాను*

*కుంభవృష్టినిచ్చి గొంతులు తడిపేను*

*మేఘమాల కన్న మిన్న యెవరు?*

*(3)*

*ప్రియతమునికి జేర్చు ప్రేయసి సందేశ*

*ములను తప్పకుండ ముచ్చటగను*

*కాళిదాసు జెప్పె ఘనమేఘ సందేశ*

*మందు భావమంత సుందరముగ*

*(4)*

*వేడి బాష్పమంత పేర్మితో గ్రహియించి*

*చల్లబరచుదానినుల్లమందు*

*నాకలంతదీర్చు నన్నపూర్ణయెతాను!*

*పయము గురియు నపుడు వర్షమందు!*

*(5)*

*రాసలీలలందు రాయబారిగమారి*

*ప్రేమ విన్నవించు ప్రియతమునకు*

*మేఘమాల యునికి మేలుజేసెను చాల*

*మిగుల కొంటె జాణ! మెరుపువీణ!*

*********************

🙏🌹🙏🌹🙏🌹🙏🌹🙏

*కవన కిరణాలు*

తేదీ: *07-05-2023-ఆదివారం*

అంశము: *ఐచ్ఛికం(నాకు నచ్చిన పాట)*

*********************

పేరు: *పొర్ల వేణుగోపాల రావు*

ఊరు: *ఎల్లారెడ్డిపేట, రాజన్నసిరిసిల్ల*

శీర్షిక: *గాలికదుపు లేదు..*

ప్రక్రియ: *చిత్రగీత సమీక్షణం*

*********************

*కవన కిరణాలు సాహితీ మిత్రులందరికీ సాయంకాలపు నమస్సులు*

*పాటల ప్రియులైన ఆత్మీయులు అందరికీ హృదయ పూర్వక స్వాగతం!*

*ఈవారం "నాకు నచ్చిన పాట" శీర్షికలో మనం ముచ్చటించుకోబోయే పాట "ఇది కథ కాదు" చిత్రంలోని 'గాలికదుపు లేదు' పాట*

*1979 వ సంవత్సరంలో విడుదల అయిన ఈ చిత్రానికి ఎన్నో ప్రత్యేకతలున్నాయి.. అవన్నీ చర్చించుకోబోయే ముందు పాటకు ప్రాణం అయిన పల్లవిని ఓసారి చూద్దాం*

*పల్లవి:-)*

 *ఆ.. ఆ.. ఆ.. ఆ.. ఆ..*

*గాలికదుపు లేదు.. కడలికంతు లేదు*

*గంగ వెల్లువా కమండలంలో ఇమిడేదేనా*

*ఉరికే మనసుకు గిరి గీస్తే అది ఆగేదేనా!*

*గాలికదుపు లేదు.. కడలికంతు లేదు*

*గంగ వెల్లువా కమండలంలో ఇమిడేదేనా!*

*ఉరికే మనసుకు గిరి గీస్తే అది ఆగేదేనా!*

*ఆ..ఆ..ఆ..ఆ..ఆ..*

*సారీసా సరిసరిసరిగ రీసాగ*

*సారీసా సరిసరిసరిగ రీసాగ*

*సారీసా సరిసరిసరిగ రీసాగ*

*సారీసా సరిసరిసరిగ రీసాగ* 

*చూసారా!ఎంతటి అద్భుతమైన సాహిత్యం!  గీత రచయిత ఎవరనుకున్నారు.. మనసు కవిగా పేరొందిన మన  సుకవి ఆచార్య ఆత్రేయ గారు*

*ఇక చిత్రం విషయానికి వస్తే.. భరత్ ఫిలిమ్స్ పతాకంపై తెలుగులో నిర్మితమైన ఈ చిత్రానికి మూలం కె. బాలచందర్ గారు తమిళంలో నిర్మించిన "అవర్ గళ్(వారు) అనే చిత్రం*

*బాలచందర్ గారు స్వయంగా కథను తయారు చేసిన ఈ చిత్రానికి తెలుగులో ప్రముఖ మాటల రచయిత శ్రీ గణేష్ పాత్రో గారు సంభాషణలు అందించారు.. నేటి ప్రముఖ స్టార్స్ అయిన మెగాస్టార్ చిరంజీవి, సౌత్ ఇండియన్ సూపర్ స్టార్ రజనీకాంత్, విశ్వనటుడు కమల్ హాసన్.. వీరందరూ కె.బాలచందర్ గారి స్కూల్లో విద్యార్థులే..*

*చిరంజీవి విలన్ గా నటించారు అంటే నేటి తరానికి ఆశ్చర్యం కలగవచ్చు.. ఆ కాలంలో ఆయన అసలైన నటన అలాంటి చిత్రాల్లోనే కనబడుతుంది. ఒక శాడిస్ట్ భర్త సుగుణాకర్ రావ్ పాత్రలో చిరంజీవి, సుహాసినిగా సహజనటి జయసుధ, ఆమె ప్రేమించిన భరణిగా శరత్ బాబు నటించిన ఈ చిత్రం ఎన్నో కేంద్రాల్లో ఆరోజుల్లో శతదినోత్సవం జరుపుకుంది కూడా. రేడియోలో ఎన్నో సార్లు విన్న ఈ పాట గాయని శ్రీమతి ఎస్. జానకి గారికి ఎన్నో అవార్డులు, రివార్డులు తెచ్చిపెట్టింది.. ఇప్పుడు మొదటి చరణం చూద్దాం*

*చరణం:-1)*

*ఆ నింగిలో మబ్బునై పాడనా పాటలు ఎన్నో*

*ఆ..ఆ..ఆ..*

*ఈ నేలపై నెమలినై ఆడనా ఆటలు ఎన్నో*

*ఆ నింగిలో మబ్బునై పాడనా పాటలు ఎన్నో..*

*ఈ నేలపై నెమలినై ఆడనా ఆటలు ఎన్నో..*

*అ.. అ.. ఆ..*

*తుళ్ళి తుళ్ళి గంతులు వేసే లేగకేది కట్టుబాటు?*

*మళ్ళీ మళ్ళీ వసంతమొస్తే మల్లెకేల ఆకుచాటు?*

*గాలికదుపు లేదు.. కడలికంతు లేదు..*

*గంగ వెల్లువా కమండలంలో ఇమిడేదేనా..*

*ఉరికే మనసుకు గిరి గీస్తే అది ఆగేదేనా?*

*చూశారా.. ఓ శాడిస్ట్ భర్త బాధలను భరించలేక స్వేచ్ఛను కోరుకునే ఆడదాని మనోగతాన్ని కవి ఎంత హృద్యంగా.. మనసుకు హత్తుకునేలా వర్ణించారో*

*గాలికి, కడలికి లేని అదుపు, హద్దు.. గాలిలా అనంతమైన.. కడలిలా లోతైన ఆడమనసునకు ఎలా ఉంటుంది మరి? శాడిస్ట్ భర్తగా చిరంజీవి, అతని వల్ల బాధించబడే భార్య పాత్రలో జయసుధల నటన వర్ణించనలవి కాదు.. చూసి తీరవలసిందే!*

*మరల స్వేచ్ఛ వచ్చి.. మబ్బులా, నెమలిలా, లేగదూడలా గంతులు వేయాలని ఆశ పడే ఆ హృదయం ఎంతగా నలిగిపోయి ఉంటుందో చెప్ప నవసరంలేదు*

*తమిళ మూలంలో శాడిస్ట్ భర్తగా రజనీకాంత్, జయసుధ పాత్రలో ప్రముఖ నటి సుజాత నటించిన ఈ చిత్రంలో.. రెండు వెర్షన్ లలో హీరోయిన్ ను ప్రేమించే ఆఫీసర్ పాత్రలో.. కమల్ హాసన్ నటించడం ఓ విశేషం*

*ఇప్పుడు రెండో చరణం చూద్దాం*

*చరణం:-2)*

*ఓ తెమ్మెరా ఊపవే ఊహలా ఊయల నన్నూ*

*ఓ మల్లికా ఇవ్వవే నవ్వులా మాలిక నాకూ*

*తల్లి మళ్ళి తరుణయ్యింది.. పూవు పూసి మొగ్గయ్యింది*

*గుడిని విడిచివేరొక గుడిలో ప్రమిదనైతే తప్పేముందీ*

*గాలికదుపు లేదు.. కడలికంతు లేదు*

*గంగ వెల్లువా కమండలంలో ఇమిడేదేనా*

*ఉరికే మనసుకు గిరి గీస్తే అది ఆగేదేనా*

*ఆ.. ఆ.. ఆ.. ఆ.. ఆ.. ఆ.. *

*ఎంతటి అద్భుతమైన సాహిత్యం.. ఎంత భావగర్భితంగా రాశారు.. సరళమైన పదాల్లో.. చూడండి*

*ఉరికే మనసుకు గిరి గీయడం సరికాదు.. సాధ్యం కాదు.. దానిని కేవలం ప్రేమతోనే గెలుచుకోవాలి అని చెప్పే ఈ చిత్రంలోని పాటలకు సంగీత మాంత్రికుడు ఇసై జ్ఞాని.. శ్రీ ఎం.ఎస్. విశ్వనాథన్ గారు అద్భుతమైన బాణీలను అందించారు.. ఒక్కో పాట ఒక్కో ఆణిముత్యం అని చెప్పాలి.. మనందరం విన్న ఇంకో హిట్ సాంగ్ *జూనియర్..జూనియర్* కూడా ఈ చిత్రంలోనిదే..

 *వెంట్రిలాక్విజమ్(మాట్లాడే బొమ్మ) ఆధారంగా చిత్రీకరణ చేసిన ఈ పాట గురించి మరో సందర్భంలో ముచ్చటించుకుందాం*

*మీకు నా సమీక్షణం నచ్చినట్లయితే.. ఈ పాటను/చిత్రాన్ని తప్పకుండా యు ట్యూబ్ లో చూడండి.. ఆనందించండి, ఆశీర్వదించండి, అభిప్రాయాలను పంచుకోండి.. మళ్ళీ వచ్చేవారం మరో అద్భుతమైన పాటతో కలుద్దాం.. అంతవరకు సెలవు*

*నీ వలపే బృందావనం* అని అతడు అంటే..

*నీ పిలుపే మురళీరవం* అని ఆమె బదులిచ్చిందిట.

*నీలి గగనాలలో తేలి ఉండాలిలే* అని ఇద్దరూ అనుకున్నారట.. *ఎవరా ఇద్దరు.. యేమా కథ.. తెలుసుకోవాలంటే.. వచ్చే వారం దాకా ఆగాల్సిందే..*

*శుభసాయంత్రం*

*మీ*

*వేణుగోపాలుడు*

🙏🙏🙏🙏🙏

🌹🌹🌹🌹🌹

1.మహాభారతం* 

 *2. దీపావళి* 

 *3. చందమామ* 

 *4. నాలుక* 

 *5. శ్రీకృష్ణుడు*

మీ పొడుపులకు నా విడుపులు కరెక్టేనా వేణుగోపాల్ సర్ ...

**మహతీ సాహితీ కవిసంగమం, కరీంనగరం*

తేదీ: *06-05-2023-శనివారం*

అంశము: *బాల సాహిత్యం-వ వత్తు పదాలు*

*********************

పేరు: *పొర్ల వేణుగోపాల రావు*

ఊరు: *ఎల్లారెడ్డిపేట, రాజన్నసిరిసిల్ల*

శీర్షిక: *నువ్వు విడుపునివ్వు!రవ్వ లడ్డు!*

*********************

*(1)*

*అవ్వ బువ్వ బెట్టె నైదు జేతులలోన!*

*నాలినవ్వు జేసె నడవిపాలు!*

*గవ్వలాట రణపు తొవ్వజూపేనురా!*

*నువ్వు విడుపునివ్వు!రవ్వ లడ్డు!*

*(2)*

*కెవ్వు కెవ్వుమనుచు దవ్వు జేరగ ప్రజ*

*తరలివెడలి హరియె నరకు జంపె*

*దివ్వెలన్ని వెలుగ నవ్వులే పూచేను*

*నువ్వు విడుపునివ్వు!రవ్వలడ్డు!*

*(3)*

*పువ్వుగాదు నింగి పూయును ప్రతిరోజు*

*నవ్వు గాదు గనగ నందమిచ్చు*

*దివ్వెగాదు రేయి దీపాల వలెదోచు*

*నువ్వు విడుపునివ్వు!రవ్వలడ్డు!*

*(4)*

*గువ్వకాదు గాని గూటిలోపలనుండు*

*క్రొవ్వు పెరిగెనేని గొడవ జరుగు!*

*నవ్వు నవ్వెనేని నలుగురూ జూచేరు!*

*నువ్వు విడుపునివ్వు!రవ్వలడ్డు!*

*(5)*

*ద్వాపరంబునందు పాపడై తాబుట్టె*

*స్వామిజూచి జనులు సంతసించె*

*పాలబువ్వ తినెడి బాలగోపాలుడే!*

*నువ్వు విడుపునివ్వు!రవ్వలడ్డు!*

*********************

పొడుపు విడుపు.

1పాండవులు2 దీపావళి  

3చందమామ   4 గుండె

5కృష్ణయ్య

హామీపత్రము: *స్వీయరచన*

*నా పొడుపు పద్యములను ఆదరిస్తున్న ఆత్మీయ కవిమిత్రులు అందరికీ హృదయ పూర్వక ధన్యవాదనమస్సులు*

*విడుపుకై యత్నించగలరు.. లేనిచో వచ్చేవారం*

గతవారం జవాబులు

1.మంచు

2.గజ్జెలు

3.ఉల్లి

4.చిల్లి(chilli)

5.శ్రీకృష్ణుడు

ధన్యవాదాలతో మీ

*వేణుగోపాలుడు*

🙏🌹🙏🌹🙏🌹🙏🌹🙏

మహతీ సాహితీ కవిసంగమం, కరీంనగరం*

తేదీ: *08-04-2023-శనివారం*

అంశము: *బాలసాహిత్యం(మ-వత్తు పదాలు)*

*********************

పేరు: *పొర్ల వేణుగోపాల రావు*

ఊరు: *ఎల్లారెడ్డిపేట, రాజన్నసిరిసిల్ల*

శీర్షిక: *పొడుపు విప్పవమ్మ!బుట్టబొమ్మ!*

ప్రక్రియ: *పద్యము(ఆటవెలది)*

*********************

*(1)*

*సృష్టిజేయు బ్రహ్మ! సృజియించు జన్మిచ్చి!*

*తొమ్మిదినెలలైన తొట్రుపడక!*

*రొమ్ముపాలనిచ్చి కమ్మగా పెంచురా!*

*పొడుపు విప్పవమ్మ! బుట్టబొమ్మ!*

*(2)*

*బ్రహ్మ రాత వలన వనజాతిలోబుట్టె!*

*బొమ్మజేసి గురుని పూజ జేసె!*

*దమ్ముజూపెనతడు ధనువునే సంధించి*

*పొడుపు విప్పవమ్మ! బుట్టబొమ్మ!*

*(3)*

*కొమ్మకొమ్మనుండు!కోటిపాటలు పాడు!*

*కమ్మదనము పంచు!నెమ్మదిగను!*

*నిండు నలుపునున్న నిర్మలమౌ పక్షి!*

*పొడుపు విప్పవమ్మ! బుట్టబొమ్మ!*

*(4)*

*అమ్మ భారతాంబ నాస్కారు వరియించె!*

*కమ్మనైన పాట ఘనత పొందె!*

*దుమ్ములేపి తెలుగు దమ్ముజూపేనురా!*

*పొడుపు విప్పవమ్మ! బుట్టబొమ్మ!*

*(5)*

*ధర్మరక్ష కొరకు ధరణిలో జన్మించె!*

*మధురలోన బుట్టె! మర్మయోగి!*

*నర్మగర్భరీతి కర్మనే బోధించె!*

*పొడుపు విప్పవమ్మ! బుట్టబొమ్మ!*

*********************

హామీపత్రము: *స్వీయరచన*

*జవాబులు*

*1. అమ్మ*

*2. ఏకలవ్యుడు*

*3. కోకిల*

*4. నాటునాటు..పాట*

*5. శ్రీకృష్ణుడు*

*నా పొడుపు పద్యములను ఆదరించి.. అభిమానిస్తున్న మిత్రులందరికీ హృదయ పూర్వక ధన్యవాద నమస్సులు*

*కమ్మగ వేణువునూదేవాడు*

*వేణుగోపాలుడు*

🙏🙏🙏🙏🙏

🌹🌹🌹🌹🌹

*మహతీ సాహితీ కవిసంగమం, కరీంనగరం*

తేదీ: *17-12-2022-శనివారం*

అంశము: *బాలసాహిత్యం(శ గుణింతం పదాలు)*

*********************

పేరు: *పొర్ల వేణుగోపాల రావు*

ఊరు: *ఎల్లారెడ్డిపేట, రాజన్నసిరిసిల్ల*

శీర్షిక: *పొర్లవారి పద్య పొడుపు విప్పు!*

ప్రక్రియ: *పద్యము(ఆటవెలది)*

*********************

*(1)*

*శక్తికతడు భర్త! శరవణునకు తండ్రి!*

*శశి నిలిచెను సిగన శాశ్వతముగ!*

*శిరముపైన గంగ శీతలమొనరించు!*

*పొర్లవారి పద్య పొడుపు విప్పు!*

*(2)*

*శతసుతులనుగనెను!సరసన గాంధారి!*

*శక్తిలేని రేడు!యుక్తి మెండు!*

*శకుని బావమరిది! శంతనుడే తాత!*

*పొర్లవారి పద్య పొడుపు విప్పు!*

*(3)*

*శ్రితజనాశ్రయుండు! శిఖిపింఛధారుండు!*

*శుభములొసగువాడు! చోరుడయ్యె!*

*శకటసారథియయె! సర్వము నడిపించె!*

*పొర్ల వారి పద్య పొడుపు విప్పు!*

*(4)*

*శ్రేష్ఠి కులమునందు శ్రేష్టుడై జన్మించె!*

*శారదాంబ కృపల చదువు జదివె!*

*శ్వేతజాతి దొరల చిత్తుగానోడించె!*

*పొర్ల వారి పద్య పొడుపు విప్పు!*

*(5)*

*శక్రుని సుతుఁడతడు! శౌరికి బావయయె!*

*శరమునెక్కుబెట్ట సురలె వణకు!*

*శిరము వంచడెపుడు! శ్రీకృష్ణుని సఖుడు!*

*పొర్లవారి పద్య పొడుపు విప్పు!*

*(6)*

*శరణమనె కపోత! శరణిచ్చెనారాజు!*

*శాస్త్ర న్యాయములను చదివెనతడు!*

*శమముతోడనిచ్చె సమమగు మాంసంబు!*

*పొర్లవారి పద్య పొడుపు విప్పు!*

*********************

హామీపత్రము: *స్వీయరచన*

*జవాబులు*

*1. శంకరుడు*

*2. ధృతరాష్ట్రుడు*

*3. శ్రీకృష్ణుడు*

*4. మహాత్మా గాంధీ*

*5. అర్జునుడు*

*6. శిబి చక్రవర్తి*

*పొడుపు పద్యములను ఆదరిస్తున్న కవిమిత్రులు అందరికీ హృదయ పూర్వక ధన్యవాదములతో*

*మీ*

*వేణుగోపాలుడు*

🙏🙏🙏🙏🙏

🌹🌹🌹🌹🌹

*పరిచయ పద్యము*

*(1)*

*నవరసంబులందు నాణ్యమైన రసము!*

*కరుణరసమునందు గలదు సృష్టి!*

*సాటివారిపైన చక్కగా కురిపించు!*

*జనులకీవునచ్చు! జగతి మెచ్చు!*

*(2)*

*తాను తినెడి తిండి తనవారికిచ్చెను!*

*కొంత మిగిలియుండ కుక్క తినెను!*

*లాభమెఱుఁగనట్టి రంతిదేవుని జూడు!*

*కరుణగలిగియున్న ఘనుడవీవు!*

*(3)*

*పావురమును గాచె పరగయా శిబిరాజు!*

*తనదు తొడనుగోసి దాతయయ్యె!*

*వసుధ జనులగాచు వాడేను రాజురా!*

*మకుటమేమిజేయు! మనసులేక!*

*(4)*

*ఆకలనెడివారి యార్తిని బాపంగ*

*పక్క నుండి లేచి వంటవండె!*

*ధరణినన్నపూర్ణ! దాతయా సీతమ్మ!*

*డొక్కవారియింట లెక్కలేదు!*

*(5)*

*బుడగవంటి బ్రతుకు! పుటుకున పగిలేను!*

*ఉన్న నాల్గు నాళ్ళు నుంచుగరుణ!*

*వెంటవచ్చునివియె! వేలాది జోతలై!*

*కరుణజూపవయ్య!ఘనత పొంది!*

🙏🙏🙏🙏🙏

🌹🌹🌹🌹🌹

*మహతీ సాహితీ కవిసంగమం, కరీంనగరం*

తేదీ: *10-12-2022-శనివారం*

అంశము: *బాలసాహిత్యం(వ గుణింతం పదాలు)*

*********************

పేరు: *పొర్ల వేణుగోపాల రావు*

ఊరు: *ఎల్లారెడ్డిపేట, రాజన్నసిరిసిల్ల*

శీర్షిక: *విప్పిచెప్పవమ్మ! వెన్నెలమ్మ!*

ప్రక్రియ: *పొడుపు పద్యాలు*

*********************

*(1)*

*వరుసలోనయుండు! వాక్కున తోడ్పడు!*

*వివిధ భక్ష్యములను పిండిజేయు!*

*విరిగి కొన్ని వీడు!వృద్ధాప్యమున వూడు!*

*విప్పిచెప్పవమ్మ!వెన్నెలమ్మ!!*

*(2)*

*వనితలంతమెచ్చు! వర్ణంబులే నచ్చు!*

*విరిసినంత చాలు! కురియు సొగసు!*

*వొక్కటున్న చాలు!వుద్యానవనములో!*

*విప్పిచెప్పవమ్మ!వెన్నెలమ్మ!!*

*(3)*

*వసుధలోన యుండు!వాణి చేతిన యుండు!*

*వినిన కొలది విందు! వీనులకును!*

*విశ్వమంత మ్రోగు! వేయిరాగాలతో!*

*విప్పిచెప్పవమ్మ! వెన్నెలమ్మ!*

*(4)*

*వనముకేగెనతడు! వానర మిత్రుడు!*

*వినయశీలుడతడు!వీరుడతడు!*

*వసుధనేలెనతడు! వైదేహి నాథుడై!*

*విప్పిచెప్పవమ్మ! వెన్నెలమ్మ!!*

*(5)*

*వెన్నదొంగయతడు! వేణువునూదును!*

*వేలగోపికలకు వెన్నుదన్ను!*

*విశ్వమంత నడుపు! వీక్షణముల తోడ!*

*విప్పిచెప్పవమ్మ! వెన్నెలమ్మ!*

*(6)*

*వెండికొండనుండు! వేల్పుల తొలివేల్పు!*

*వృషభ వాహనుడయె! విషము త్రాగె!*

*వందనములుజేయ వందేళ్ళు బ్రతికించు!*

*విప్పిచెప్పవమ్మ!వెన్నెలమ్మ!!*

*********************

హామీపత్రము: *స్వీయరచన!*

*పొడుపు పద్యాల ప్రక్రియను ఆదరిస్తున్న కవిమిత్రులు అందరికీ ధన్యవాదాలు.. పిల్లల్లో పద్యాల పట్ల ఆసక్తిని పెంచడానికి ఇటువంటివి ఎంతో సహాయ పడగలవు.. దయచేసి మీమీ పాఠశాలల్లో పిల్లల వద్దకు వీలైనన్ని చేరవేయగలరు!*

*జవాబులు:-*

1) *దంతములు*

2) *పుష్పములు*

3) *వీణ*

4) *శ్రీరామచంద్రుడు*

5) *వేణుగోపాలుడు*

6) *పరమశివుడు*

*ధన్యవాదాలతో*

*మీ*

*వేణుగోపాలుడు*

🙏🌹🙏🌹🙏🌹🙏