17/06/2023.
మనుమసిద్ధి కవన వేదిక ,
శ్రీ పొట్టి శ్రీరాములు, నెల్లూరు జిల్లా..
వచన కవితల పోటీ కొరకు ,
అంశం : నాన్న చిటికెన వేలు.
శీర్షిక : గుడి లేని దేవుడు.
రచన : శ్రీమతి : పుల్లాభట్ల జగదీశ్వరీముార్తి
కల్యాణ్. మహారాష్ట్ర .
అమ్మ మనకు జన్మనిస్తే -
ఆ జన్మకు, జీవితాన్నిచ్ఛేది నాన్న!
అమ్మ ప్రేమ, ఆకాశమైతే -
నాన్న ప్రేమ , అనంతం.!
అమ్మ ఒడి ఒక ప్రపంచం అయితే ,
ఆ ప్రపంచాన్ని నాకు పరిచయం చేసింది నాన్న!
అమ్మ ఒడి ఒక బడైతే -
ఆ బడి వైపుకు వేసే -
అడుగుల ఆసరా నాన్న!
అమ్మ అన్న పదం నా తొలి పలుకైతే-
ఆ పదానికి అక్షర శ్రీకారం నాన్న.!
తడబడే అడుగులకు మార్గదర్శకం నాన్న.
కష్టంలో నేనున్నానన్న భరోసా నాన్న .!
జీవిత అవసరాల అంగడి నాన్న.
అడుగడుగు విజయాలకు ఆసరా నాన్న !
నేను గెలిస్తే గర్వపడేది నాన్న .
ఓడిపోతే వెన్ను తట్టి ఓదార్చేదీ నాన్నే !
అమ్మ మనసు వెన్న అయితే
ఆ వెన్న కాచితే వచ్చే నేతి సుగంధం నాన్న!
అమ్మ మనకు చందమామను చూపిస్తే
మా చందమామ పంచే వెన్నెల వెలుగు నాన్న !
ఆనందమే జీవితమైతే
ఆ ఆనందానుభూతిని పంచే నిత్య శ్రామికుడు నాన్న !
ఈ కవిత నా స్వీయ రచన
No comments:
Post a Comment