అంశం: మూడు కోతులు.

కవన కిరణాలు

17/03/2025

అంశం: మూడు కోతులు.

రచన : శ్రీమతి : పుల్లాభట్ల జగదీశ్వరీముార్తి

 కల్యాణ్. మహారాష్ట్ర .

మూడు కోతులు, మూడు నీతులు,

సమాజమనే రంగస్థలంపై,

వారి నాటకం, మనకు పాఠం,

చెడును చూడకు, వినకు, మాట్లాడకు.

మొదటి కోతి, కళ్ళు మూసుకొని,

చెడును చూడనని శపథం చేసి,

అంధకారంలో జీవిస్తూ,

సమాజపు చీకటిని విస్మరించింది.

రెండవ కోతి, చెవులు మూసుకొని,

చెడును విననని ప్రతిజ్ఞ చేసి,

నిశ్శబ్దంలో జీవిస్తూ,

సమాజపు ఆర్తనాదాలను విస్మరించింది.

మూడవ కోతి, నోరు మూసుకొని,

చెడును మాట్లాడనని ప్రమాణం చేసి,

మౌనంలో జీవిస్తూ,

సమాజపు అన్యాయాలను విస్మరించింది.

ఈ మూడు కోతులు, నిజంగా తెలివైనవా?

లేక, భయంతో పారిపోయిన పిరికివాళ్ళా?

సమాజపు సమస్యలను చూడకుండా,

వినకుండా, మాట్లాడకుండా,

వాటిని పరిష్కరించగలమా?

కాదు, కాదు, ఎప్పటికీ కాదు!

కళ్ళు తెరిచి, చెవులు విప్పి, నోరు విప్పి,

సమాజపు చెడును చూడాలి, వినాలి, మాట్లాడాలి,

అప్పుడే, మనం మార్పును తీసుకురాగలం.