గడ్డు రోజులు..కవిత

శార్వరి వీడ్కోలు - శ్రీప్లవ  స్వాగతం 

తేగీ 

చేదు గుర్తులశార్వరి చెల్లుచెల్లు 

నీదు గమనాన సౌఖ్యంబు లేదు లేదు

మాబ్రతుకులెల్లకష్టాల మ్రగ్గిమ్రగ్గి

బుగ్గి యయ్యేను శార్వరి పోయిరమ్ము

తేగీ 

నిజము నిత్యావసరధరల్ నింగితాకె

అభ్యుదయమెల్లదూరానఆగిపోయె

జీవితాలువిస్తరలయ్యిచెదరిపోయె

శార్వరీవేయిదండాలు సాగి పొమ్ము

తేగీ 

సన్నుతాంధ్రులహక్కువిశాఖ ఉక్కు 

వ్యక్తి పరముజేయప్రభుతయుక్తిపన్నె

అన్నదాతలయగచాట్లుమిన్నుముట్టె

గడ్డురోజులుచేకొనికదలవమ్మ

తేగీ //కర్కశకరోన క్రిమిని నీ కాలరాసి

నింగినంటినధరలను నేలదించి

కొత్త ఆశల్ నునుచిగురులొత్తగాను 

ఇలకు శ్రీప్లవ వర్షమా యేగుదెంచు

తేగీ 

గతము కష్టాల కడగండ్ల గడిచిపోయె

లేశమైననుసౌఖ్యముల్ లేకపోయె

ఆత్మ దైర్యమునందించి హాయి గూర్చి

శ్రేయములనీయ శ్రీప్లవ చేరరమ్ము

తేగీ /కరుణ చూపించి తరగని సిరులనీయ

వెతలు పోగొట్టి బ్రతుకుల వెలుగునింప

ఆయురారోగ్య ధాయివై యరుగుదెంచు

సకల శుభధాయి శ్రీప్లవ స్వాగతంబు

తేగీ /గండుకోయిల పాటలో కమ్మదనము

మంచి మావిచిగురులో యమలగుణమ్ము

నింపి చైతన్య ధాయియై నేడుధరకు

వచ్చు శ్రీప్లవ వర్షమా స్వాగతంబు

✍️Pranisad 

SRRZPHS, NUZVID.