జె.కృష్ణయ్య,
రంగారెడ్డి జిల్లా.
చ.వా: 9441864640
శీర్షిక: *బడిలోన పంతుళ్ళు*(గేయం)
************************************
పల్లవి:
బడిలోన పంతుళ్ళు కొందరు
మా మదిలోనే మెదులూతుంటరు
వారి అడుజాడలో నడువమంటరు
మా జీవితాలకే వెలుగు లవుతరు
"బడిలోన"
1.చరణం:
మా అమ్మానాన్నలేమో మమ్ముగన్నరు
వారు చదువు-సంధ్యలు లేకున్నరు
చదువురాకమేము తల్లడిల్లుతుంటే
తల్లిదండ్రులోలే అక్షరాలు నేర్పుతుంటరు
"బడిలోన"
2.చరణం:
బ్రతుకు భారమైన బాధలెన్నియున్న
వారు వాడవాడన తిరుగుతుంటరు
చదువులమ్మ తల్లి సారస్వతమ్మ
ఒడిలోకి రమ్మని వాళ్ళు అంటరు
"బడిలోన"
3.చరణం:
మా ప్రతిభను కళలను గుర్తిస్తరు
మా జీవితాలకే బాటలవుతరు"2"
మా కన్నవారికన్న గురువులే మిన్ననీ
లోకమంతా వారిని పూజిస్తరు
"బడిలోన"
4.చరణం:
మా మాటలల్లో పలుకుతుంటరు
మా పాటలల్లో పుడుతువుంటరు
ఏ బళ్ళుచూసినగాని గుళ్ళుచూసినగాని
ఆ గురువులే గుర్తొస్తువుంటరు
"బడిలోన"
5.చరణం:
ఆదేశాలు అంటూ జారిచేస్తరు
వాళ్ళ కాలమైపోయిందంటరు
బదిలీలు వారిని చేస్తువుంటరు
మా బంధాలనే తెంచుతుంటరు
"బడిలోన"
6.చరణం:
బాధపడ పోకండి గురువులూ
మా బ్రతుకూకే మీరాదెరువులు
మా ఎదలోన మేం దల్చుకుంటము
మా బడిలోన మిమ్ము పూజిస్తము
"బడిలోన"
No comments:
Post a Comment